Danos colaterais

Creo que é un intervalo menor.
Un intervalo dos que soan a carastristes 
e danos colaterais triangulares.
Un acorde disonante, un puñado de búfalos.
E comezamos a caer ao chan
asustados
coas primeiras follas doutono.
Chamas á porta da resaca da miña toleira.
E se fora gratis...ai! se fora gratis
bebería eternamente do teu tranquimazin
e quedaría durmida imaxinando
elefantes laranxas
no gotelé da parede dos segredos.
Pero dime ti canto vou invertir neste laberinto.
Xa sabes que eu teño descosida a orientación.