domingo, 8 de decembro de 2013
Desaparecer
Non son tan valente para apretar o gatillo
Non son tan covarde para apretar o gatillo
Mais esta noite -e moitas outras noites frías- quixera pulsar un botón
Teletransporte ás nubes da inexistencia ou da existencia en algodón
Pode que algún día volva
xoves, 14 de novembro de 2013
domingo, 3 de novembro de 2013
(de amor e destrución masiva)
Unha proposición indiscreta,
se ti queres, pero só se ti queres
podemos sentarnos xuntas a mirar como se extingue a Terra
ollar a Lúa -xa demasiado tarde-
con vidrosa mirada cargada de culpa humana
ollar o mar bater contra as pedras da Praia das Cavernas
agora sabemos que está enfadado
intentar librarnos do noso atroz e abominábel crime
por ter chegado aquí
por deixarnos levar coa cara tapada e
polo noso propio pé
por formar parte deste sospeitoso delirio social
entón eu quixera facer
outra proposición indiscreta
se ti queres, pero só se ti queres
podemos sentarnos xuntas a mirar como exterminan a Terra
(non creo xa que estemos a tempo de vela extinguir)
ollar unha loita de xigantescos monstros atómicos que tapan a Lúa
ollar un eterno mar morto nas nosas mans
e buscar algo de amor onde sempre queda
e da man desde o principio da fin
se ti queres, pero só se ti queres
podemos levantarnos xuntas para que non nos leven a Terra
domingo, 27 de outubro de 2013
Balas, balas
'Cuando tanto se sufre sin sueño y por la sangre
se escucha que transita solamente la rabia,
que en los tuétanos tiembla despabilado el odio
y en las médulas arde continua la venganza,
las palabras entonces no sirven: son palabras.'
se escucha que transita solamente la rabia,
que en los tuétanos tiembla despabilado el odio
y en las médulas arde continua la venganza,
las palabras entonces no sirven: son palabras.'
R. Alberti
luns, 14 de outubro de 2013
O por que das cousas
de verme aquí sentada
con grapas nos ollos
cinza nas sienes
baixo un estraño limbo
acariciando os astros
de verme retomando o universo
e o por que das cousas
de premonicións que esgotaron
forzas
tódalas forzas
pero esto non é unha derrota
porque a túa pel só é desde hoxe
cartas de escarlata
que remiten á Atlántida
con grapas nos ollos
cinza nas sienes
baixo un estraño limbo
acariciando os astros
de verme retomando o universo
e o por que das cousas
de premonicións que esgotaron
forzas
tódalas forzas
pero esto non é unha derrota
porque a túa pel só é desde hoxe
cartas de escarlata
que remiten á Atlántida
venres, 23 de agosto de 2013
Bolboreta
Estou segura de que foches bolboreta noutra vida. Sabémolo ben cando as forzas sobrepasan o linde, cando asoman enerxías atómicas, cando se ergue dende a terra un silencio pensativo. Entón é cando penso o moito que eu quixera construir o planeta que mereces, para que saíras a voar antes da cea.
A C. Irene White Leboreiro. Non hai que ser poeta para vivir en poesía.
verbas fúnebres (09/07/13)
sento baixo a cálida esfera
recollo as imaxes postas no camiño
-coma se foran migas de pan-
para lembrarme tal día coma hoxe
do agridoce xa andado
o cansanzo é a apocalipse
dunha vida de trincheira
que derrete a harmonía
-o cansanzo é a guerra
contra un eu xa pétreo-
e ti estabas moi cansa
e durmiches.
-coma se foran migas de pan-
para lembrarme tal día coma hoxe
do agridoce xa andado
o cansanzo é a apocalipse
dunha vida de trincheira
que derrete a harmonía
-o cansanzo é a guerra
contra un eu xa pétreo-
e ti estabas moi cansa
e durmiches.
luns, 8 de abril de 2013
"Cambiapieles"(a mirada dende o lobo ou o voitre)
tres murallas de nove palabras,
Musas no meu pensamento,
rompedes a pouca luz que na escuridade alumbra
firmes golpeades o silencio
coma o vento que atravesa a fiestra
ata a miña cama:
rematan os seus últimos alaridos,
palabras xa mortas,
aniquilando os derradeiros intentos
de xestualizar dende o leito;
morre tan tan lenta
que non sabe que está morrendo,
esquece canto é e quixo ter sido
lenta
pausada
en silencio as últimas imaxes
-derradeira luz da súa caverna-
emerxen do iris xirasolado
penetra a mirada do voitre
no que se perde:
quixera devolverlle as verbas,
despois as imaxes e recordos;
quixera entorpecer ás Moiras
e cortar o fío irrompible
do que marcha,
do que xa non volve
inconsciente solpor dunha illa
adeus ou boa viaxe
Musas no meu pensamento,
rompedes a pouca luz que na escuridade alumbra
firmes golpeades o silencio
coma o vento que atravesa a fiestra
ata a miña cama:
rematan os seus últimos alaridos,
palabras xa mortas,
aniquilando os derradeiros intentos
de xestualizar dende o leito;
morre tan tan lenta
que non sabe que está morrendo,
esquece canto é e quixo ter sido
lenta
pausada
en silencio as últimas imaxes
-derradeira luz da súa caverna-
emerxen do iris xirasolado
penetra a mirada do voitre
no que se perde:
quixera devolverlle as verbas,
despois as imaxes e recordos;
quixera entorpecer ás Moiras
e cortar o fío irrompible
do que marcha,
do que xa non volve
inconsciente solpor dunha illa
adeus ou boa viaxe
mércores, 6 de marzo de 2013
Mitificando
Sei perfectamente que noutra vida formamos un mar. Acariciabamos o horizonte dos imposibles e íamos máis alá. Fixemos unha katábasis, un descenso aos avernos do silencio, e gozamos do noso poderío.
E hoxe mitifico dende o tellado iso que nunca sucedeu. Só un dano colateral pode turbarme coma borracha, coma a nena que son e non son, coma o pensamento máis irracional.
E eu estaba serea, mollada dunha choiva para min descoñecida nun mundo
no que o primeiro bico é nun ollo
E hoxe mitifico dende o tellado iso que nunca sucedeu. Só un dano colateral pode turbarme coma borracha, coma a nena que son e non son, coma o pensamento máis irracional.
E eu estaba serea, mollada dunha choiva para min descoñecida nun mundo
no que o primeiro bico é nun ollo
domingo, 10 de febreiro de 2013
Chegadas á Cidade I
agarimosas e odiadas
a ría, as súas cores
os seus versos
e os coches, os seus ruidos
de motores
irmáns e homes alleos
Eu tamén subo nun deses coches
que en manda entran na estación
nas horas en punto
nas horas dos trens
Atravesamos o Berbés
(escoitamos normalmente
a Batallán)
e ollo para as casas baixas
e penso que se vivira en Vigo
'cando sexa maior'
tería unha desas casas de pedra
e pensaría que os outros lugares
da cidade
son simplemente innecesarios
Cando chegamos á rúa da Paz
estou tranquila
A Seara semella unha casa enorme
e sempre me pregunto se baixo outros ollos
isto tamén é fermoso
como un solpor dende o 4ºE
mirando para o punto menos corrompido
do noso mar
ou se simplemente é un barrio feo
dunha cidade gris
chea de costas e prexuízos
que ninguén comprende
'¡Libre como una vaca, como una ostra, como una rata!
Pero las ratas no buscan conciliar el sueño durante horas. Pero las ratas no se despiertan sobresaltadas, invadidas por el pánico, empapadas en sudor. Pero las ratas no sueñan y, ¿qué puedes hacer tú contra tus sueños?'
Desexaches o baleiro
home morcego
home que durme
home que vive postrado
nunha cama a alma
nun París branco e negro
o corpo errante e perdido
Que intentaches procurar
un imposible, unha metamorfose
vexetal, un eterno parón
nesta delicada bola de cristal
Que quixeches ser un
ti anulado
un borrego morto
Que iniciaches unha loita
empedrada contra os sentidos
Pero nun duelo cara a cara
perdeches contra o subconsciente
porque: 'que podes facer ti contra
os soños?'
E xa ves, de novo estás aquí,
entre pensamentos escuros
en segunda persoa de singular
e psicodelia de tellado
-polo menos nítida-
volvendo a practicar
o sabor das cousas
e a esencia dos sabores
das cousas
(e o que hai que pensar
e o que queren que pensemos...)
Subscribirse a:
Publicacións (Atom)